काठमाडौँ । राष्ट्रिय स्वतन्त्र पार्टी (रास्वपा) ले पार्टी सभापति रवि लामिछानेलाई थुना बाहिर राखेर अनुसन्धान गर्न माग गरेको छ । आज बसेको राज्य व्यवस्था तथा सुशासन समितिको बैठकमा सांसद चन्दा कार्कीले सभापति लामिछानेलाई थुना बाहिर राखेर अनुसन्धान गर्न माग गरेकी हुन ।
उनले भनिन, “गृहमन्त्रीज्यूलाई विशेष अनुरोध गर्न चाहन्छु, थुनाबाहिर राखेर अनुसन्धान गर्न सकिन्छ कि भन्ने सोच्नुहुन अनुरोध गर्न चाहन्छु” ।
सांसद कार्कीले रवि लामिछाने चुनावमा १२ लाख जनताले पत्याएको र संसदको चौथो पार्टीको सभापति भएको त्यसकारण उनीप्रति विश्वास हुनेहरूले उनको पक्राउको विरोधमा प्रदर्शन गर्नु स्वभाविक हुने बताए ।
